CHARLIE
MALALIM na ang gabi ngunit hindi pa rin ako dalawin ng antok. Marahil ay dulot iyon nang ideyang isang pader lamang ang pagitan naming dalawa. Nakailang baliktad na ako sa kama ngunit hindi pa rin ako makatulog. Hindi ko matukoy kung ano ba ang bumabagabag sa akin. Pilit ko mang itanggi, alam kong malaki ang epekto sa akin nang biglaang pagbabago ng pakikitungo ni Kaleb sa akin.
Napagpasyahan kong lumabas ng aking kuwarto at magpahangin sa tabi ng pool. Agad akong bumangon saka lumabas ng aking silid. Madilim na ang buong kabahayan dahil may kalaliman na rin ang gabi.
Bahagya pa akong natigilan at marahang napaatras nang maabutan kong naroon din si Kaleb at nakaupo sa tabi ng swimming pool habang humihithit ng sigarilyo. Mayroon ding ilang lata ng alak sa tabi nito.
Minabuti ko
