Nakaabang na kami ni Sir Fred sa may pinto habang nakatingin kay Madam na bumaba sa hagdan. Nasa likuran nito ang isang bodyguard na buhat buhat ang kanyang maleta.
Sopistikada talaga siya manamit dahil sa suot niyang black coat na ang haba ay hanggang tuhod. Tinernuhan niya ito ng puting dress na lagpas tuhod naman ang haba. Bumagay din ang puting stilleto niya sa kanyang suot kaya napaka elegante at classy niya tignan. Pagbaba niya ay sabay kaming nag bow ni Sir Fred. Nasa mahabang sofa naman si Master at tahimik na nakaupo. Sa itsura palang ni Master ay nababasa ko na gustong gusto na niyang umalis ang kanyang ina. Ganoon din ang nararamdaman ko at tiyak ko ganun din si Sir Fred.
Palihim ko tinitignan si Madam habang bumaba sa hagdan. Ayaw kong salubungin ang mga mata niyang pairap na
