Kinabukasan hindi agad lumabas ng kanyang silid si Athena. Hindi niya alam kung paano haharapin si Sandro. Inayos na lamang niya ang kanyang sarili at napagpasiyahan na manatili muna sa kanyang silid. Sumilip siya sa bintana at nakita niya ang binata sa swimming pool. Nasaksihan niya ang pagtalsik ng maraming tubig ng tumalon doon ang binata. Nagpabalik-balik ito sa paglangoy na para bang walang kapaguran.
Nagtungo siyang muli sa kama, naupo sa gilid niyon at nag isip ng mabuti. Napagdesisyunan niyang kausapin na lang ang binata at magpaalam ng maayos dito. Natatakot siyang baka isang araw ay lumabas na naman ang isa pa niyang katauhan at akitin na muli nito si Sandro.
Mga ilang minuto pa ang kanyang pinalipas bago siya bumaba ng hagdan para magtungo sa kusina at tumulong sa kanyang mga
