KAKAIBANG saya ang naramdaman ni Ninia nang muling makabalik sa villa Katarina nang araw na iyon. Itinuloy ng pamilya Villarubin ang bakasyon at natural ay hindi pumayag si Alexis na hindi siya kasama. Ipinagpaalam siya nito sa mga magulang sa pamamagitan ng videocall dahil hanggang ngayon ay nasa tiyahin pa rin niya ang mga ito. Ayaw diumanong pauwiin ng kanyang Aunt Celes ang kanyang mga magulang dahil maiinip na naman daw ito kapag mag-isa na naman sa bahay.
Matagal bago sumagot ang kanyang Daddy nang tanungin ito ni Alexis kung pwede siyang isama sa bakasyon. Ang totoo, akala nga niya ay hindi siya papayagan ng kanyang ama. Bukod sa matagal itong sumagot ay salubong din ang kilay nito nang hingin ni Alexis ang permiso nito. Pero kalaunan ay pumayag din sa kundisyong kakausapin nito si
