Vaniella's POV
Paalis na kami sa restaurant ni Hakan nang masalubong naman namin ang buong pamilya ko at pamilya ni Uncle Erwin. Mukhang mga bagong gising lang at sinulit ang pahinga sa kani-kanilang mga kwarto. Iirapan ko sana sina Kuya V at Vida dahil iniwan nila ako sw snorkeling pero naisip ko mas enjoy naman siguro kung kaming mag-asawa ang magkasama kaya hindi ko na tinuloy ang pagsusungit ko. Narito kami para magsaya hindi para magkaroon ng samaan ng loob.
“Tapos na kayong kumain, Hakan?” Tanong ni Mommy kay Hakan nang matapos itong magmano sa ama ko. Ganoon din ang ginawa ko sa mga magulang ko pati sa mag-asawang Uncle Erwin at Auntie Stella.
“Yes, Mommy. Pasensiya na po at hindi na namin kayo naimbitahan ng asawa ko dahil ayaw din namin pong maistorbo ang pamamahinga ninyo.” N
