Jillian’s POV
“Mommy? Hindi ba dito matutulog si Tito Vince ngayong gabi? Bakit po wala siya sa tabi ko kanina paggising ko? Bakit ang aga po niyang umalis? Hindi ko tuloy siya nakausap,” si Axel na ngayon ay may sama ng loob sa mga boses niya. Yumuko pa siya at iniwasan ako ng tingin. Sa pinakita niya ay halatang nagtatampo talaga siya.
“Hindi siya matutulog ito, Axel. May gagawin lang ang tito Vince mo. Baka bukas o sa makalawa pa ‘yon babalik dito,” wika ko habang hinihipo ang kanyang buhok para patahananin ang sana ng kanyang loob.
Pati ako ay nalungkot para kay Axel. Hindi ko alam kung naging mabuti ba akong ina sa aking anak. Una ay pinagkaitan ko siyang kilalanin ang kanyang ama. Ni hindi ko man lang naibigay ang karapatan ni Axel at iyon ay ang makilala ang kanyang ama. Dapat
