"Tungkol ba ito sa nangyari kanina?" muling nabaling ang atensiyon niya sa lalaki nang marinig ang tanong nito. Ngumiti ito at pinalis ang luha sa kaniyang pisngi gamit ng dalawang hinlalaki. "May sorpresa ako sa iyo," bulong pa nito.
Kumuha ito ng pera sa wallet at inilagay iyon sa mesa bago kinuha ang sombrero niya at hinila siya palabas. Hindi naman siya nakapagsalita agad dahil gulong-gulo pa rin siya sa nangyayari. Pinaglalaruan ba siya ng kaniyang isip? Siguradong-sigurado siya na ito ang nakita at nasampal niya kanina. Nabaliw na ba siya dahil sa mga nangyari?
"Huwag mong tatanggalin ito, ha?" malambing na bulong ng asawa niya matapos itakip sa mga mata niya ang isang puting panyo.
Gusto niya sanang magsalita pero nang hawakan nito ang dalawang kamay niya at magsimulang humakban
