ISANG malalim na buntong-hininga ang pinakawalan ni Ahnia matapos isuot ang isang floral dress na hanggang talampakan niya ang haba. Hinayaan niyang nakalugay ang mahaba at aalon-alon niyang buhok. Inayos pa niya ang medyo kinulot na bangs sa noo at pagkatapos ay naglagay ng pulang lipstick sa mga labi.
Agad niyang nilingon ang asawang si Conrado matapos nitong pumasok mula sa balkonahe ng kanilang hotel suite. May kausap ito sa selpon kanina at tila ba napakaimportante kaya lumayo pa ito sa kaniya upang hindi niya marinig ang pinag-usapan ng mga ito.
Pinanuod niya itong maglakad patungo sa bedside table saka binuksan ang drawer at kinuha sa loob ang tasaki watch nito. Isinuot nito iyon sa kaliwang kamay saka humarap sa kaniya at ngumiti nang hindi abot sa mga mata.
"Tayo na?" Nakasuot
