Pababa na kami ng hagdanan nang marinig ko ang pamilyar na tunog na nagmumula sa labas, partikular sa himpapawid. Helicopter.
"May bisita yata. Mukhang bumalik sina Governor," natutuwang sabi ko. Nilingon ako ni Darius at sinimangutan.
"That's ours," masungit niyang sagot. Ang bilis talaga magbago ng mood. Wala naman akong sinabi na masama, galit na siya agad.
"Bakit ka ba nagseselos kay Gov? Matanda na kaya iyon," nakanguso kong sabi.
"Ilang taon lang ang pagitan namin, Lilienne," pairap niyang sagot.
"Ano naman ngayon?" Tinumbasan ko ang pagsusungit niya. Seloso. Pati ba naman si Gov na para ko ng Tatay, pagseselosan?
Nauna nang lumabas ng mansyon ang mga tauhan na may bitbit ng aming mga gamit. Tag-isa kaming maleta ni Darius.
Tinulungan niya ako kaninang mag-empake, dahil
