Chapter Nine
Pagdating sa ospital ay may umasikaso agad sa asawa ko. Nakasunod naman agad ang kapatid ni Evan at ang nanay nito.
"Anong nangyari sa anak ko? Kumusta siya?"
"Nanay Eleya, mataas po ang lagnat niya. Nadaplisan po siya ng bala no'ng tinambangan ang gobernador." Agad kong ani rito.
"Diyos ko! Kawawa naman ang anak ko." Naiyak na ani ng ginang. May doctor nang nagche-check dito at mukhang nasabihan na sila ng gobernador.
Kasama ko si Nanay Eleya sa waiting area. Sa pagkakaalam ko'y tinatahi na ang daplis sa asawa ko.
"Bakit kasi hindi mo pa dinala kahapon sa ospital at hinintay pang lagnatin siya?" bakas ang nerbiyos sa tinig nito.
"Nay, sabi po niya ay okay lang siya at maliit lang ang tama niya." Mahinang ani ko.
"Pabaya ka, Kadynce. Hindi mo yata kayang maging asawa s
