"Sure ka ba dito, Ata?"
"Oo. Sure ako na nandito si Keeno," sagot ko kay Aileen habang paliko ang van na sinasakyan namin sa isang subdivision.
Sinenyasan kami ng guwardiyang naka-poste doon na huminto. Agad kong ibinaba ang salamin sa tapat ko, at saka ko inilabas nang bahagya ang ulo ko.
"Sir, nandiyan po ba si Mang Ferdie?" tanong ko sa kanya.
May lumabas na lalaki mula sa loob ng guard house. Narinig siguro ako.
"Atasha."
"Mang Ferdie. Mabuti na lang po at naabutan namin kayo," sabi ko sa kanya.
"Oo nga. Tapos na ang shift ko nung tumawag ka. Pero natanong ko na itong kasama ko. Positive. Nagdaan nga kanina si Keeno dito. Pero, iba daw ang dalang sasakyan."
Tumango ako sa kanya.
"Sa akin pong sasakyan 'yun."
"Ah, ganun ba? Malamang, nandoon siya ngayon sa bahay nila dati
