"Tawagin mo na lang ako kung may kailangan ka," sabi sa kanya ni Joaquin nang ihatid nito sa guest room ang mga pinamili nilang gamit niya.
"Salamat, Joaquin," pasalamat niya rito. Tumango naman ito sa kanya at akmang tatalikod na ito nang mapahinto ito at sulyapan siya.
"Brianna. Kung may tumawag na sa iyo huwag mong sabihin kung nasaan ka. Baka masundan ka ni Don Robert," paalala nito sa kanya.
"Don't worry. Hindi naman kakilala ni Chace si Don Robert," tugon niya rito.
"Kahit na kailangan mo pa ring mag ingat," sabi nito. Concern lang siguro sa kanya si Joaquin, kaya nais siya nitong mag ingat.
"Sa sitwasyon mo ngayon Brianna. Hindi ka pwedeng magtiwala sa ibang tao. Maraming salapi si Don Robert at napakadali sa kanya ang mahanap ka. Ang dahilan kung bakit hindi ka pa nahahanap ni
