Kinabukasan matamlay siyang bumangon at bumaba para mag almusal. Tamad na tamad nga siyang bumangon, dahil parang pagod na pagod ang pakiramdam niya. Marahil dahil na rin sa debut party niya. Isama pang halos wala naman siyang tulog magdamag. Paano iniisip niya si Sebastian kung paano ito mapapasalamatan sa mga regalo nito sa kanya. Alam niyang kung hindi lang nabwisit sa kanya si Sebastian ay tiyak na baka personal pa nitong ibibigay ang mga regalo na iyon sa kanya. Kaya naman hinayang na hinayang siya at nagalit pa sa kanya si Sebastian.
Pagdating sa komedor patapos na ang Daddy niya at si Sally mag almusal. Agad siyang binati ng mga ito at niyayang kumain na. Napansin niyang nakabihis na ang dalawa kaya naman nagtanong na siya. Linggo kasi ngayon at walang pasok sa hardware ang Daddy n
