"What huh? Wala ka talagang balak puntahan ako sa hotel ko ah Sebastian?" Galit na bungad sa kanya ni Irish nang buksan niya ang pintuan.
Humugot siya ng malalim na paghinga at mariing pinikit ang mga mata saka iniling ang ulo. Alam niyang si Irish ang tao sa labas ng pintuan, dahil alam niyang pupuntahan siya nito. Nakausap palang niya ito kanina, at pinipilit siyang papuntahin nito sa hotel room nito. And of course tumanggi siya. Naguguluhan pa rin kasi siya kung ano pa nga ba ang papel ni Irish sa buhay niya? Kung nasaang parte pa ba ito ng buhay niya?
Hindi naman niya alam na darating din si Scarlett ngayong araw at pag nagharap ang dalawa tiyak na gulo ang mangyayari.
"Irish, I told you, ayoko munang makipag usap sa iyo," kalmado siyang sabi rito. Aware siyang nakikinig si Scarle
