HINDI inintindi ni Ellie ang mga sinabi sa kanya ni Zyrus noong huli silang nagkita. May dalawang linggo na rin na hindi niya ito naaabutan sa ospital kahit pa sinasadya niyang tumambay roon hanggang alas-nuwebe ng gabi. Ibang level na talaga ang curiosity niya sa lalaking iyon. Hindi pa rin niya maintindihan ang ibig nitong sahin. Pero sa halip na iwasan niya ito ay lalo lamang siyang nagnasa na pasukin ang pribado nitong buhay. Nag-evolve pa nga ang feelings niya rito.
Sa unang pagkakataon ay nagpang-abot sila ni Kristine sa nurses’ station para mag-log out sa duty nila. Mainit pa rin ang dugo nito sa kanya kahit halos hindi na nga sila nagkikita ni Jake. Hindi niya alam kung saan nito hinuhugot ang inis sa kanya. Hinihintay lang niya na sugurin siya nito ulit dahil sa pagkakataong iyo
