ANG pagtatampo ni Tere kay Liam ay nauwi sa mainit na tagpo sa loob ng kotse nito. Soundproof, at tinted naman ang salamin niyon kaya nakaraos sila na walang nakakita at nakarinig. Ewan na lang kung umalog ang sasakyan dahil sa malalakas na puwersang pinakawalan ni Liam. Kung nakakapagsalita nga lang ang kotse, malamang ay nagreklamo na dahil pinuwestuhan nila ang halos lahat ng sulok niyon.
Nagutom sila pagkatapos kaya kumain muna sila sa dampa. Nang tanungin ni Liam si Tere kung gusto na ba niyang umuwi, sinabi niyang gusto muna niyang maglakad-lakad sila sa riverpark. Parang ayaw pa kasi niyang matapos ang gabing iyon. Gusto pa niyang makasama nang matagal ang asawa sa romantikong lugar na iyon.
"I miss this kind of place," sabi ni Liam habang inililibot ang tingin sa paligid. Magkah
