LUMAPAD ang pagkakangiti ni Tere sa klase ng tanong ni Liam. Hindi lang ito tunog nagseselos. Pati ang mga nito ay naninibugho rin. At napakasarap pala sa pakiramdam kapag alam mong ang taong mahal na mahal mo ay takot ding mawala ka at maagaw ng iba.
"Jayden is my best friend, Liam. Wala ring makakapantay sa samahan namin," sagot ni Tere sa tonong nagpapaliwanag. "Para na rin kaming magkapatid. Sobrang comfortable namin sa isa't isa kapag magkasama kami o nagkakausap sa Skype. Like you, totoong mahal din niya ako na parang totoong kapatid. Kaya hindi ko puwedeng sabihin kung sino sa inyong dalawa ang mas mahalaga sa'kin. Dahil pareho kayong importante sa'kin." Direkta niyang tinitigan sa mga mata ang asawa. "I know rin na hindi totoong nawala ang feelings ni Jayden sa'kin. He always lov
