NANGAKO si Liam na isasama si Tere sa MGC pagpasok nito kinabukasan. Para raw makilala siya ng mga empleyado.
Habang nagbibihis pa ang asawa ay nagpaalam si Tere na mauuna nang bumaba. Balak kasi niyang makipagchikahan kay Diday tungkol sa biglang pagkawala ng mga pictures ni Roxie.
"Noong isang gabi po, habang wala kayo rito, tinawagan ako ni Sir Liam. Inutos niya sa'kin na alisin ko na raw lahat ng pictures ni Ma'am Roxie," pagbabalita ni Diday. "At ipalit ko raw po iyong mga pictures n'yo. Pinapalitan din po ni Sir Liam ang mga kurtina at window blinds. Nagpa-deliver pa nga siya ng mga kulay na paborito n'yo raw po."
Todo ang ngiti ni Tere habang nakikinig sa kuwento ni Diday. Kaya pala sinadya ni Liam na huwag muna silang umuwi. "Gano'n ba? Sa tingin mo, for the win na kaya ang tea
