"SULIT ang pag-iwan ko sa Hacienda Felicita dahil nakita ko ang unica hija ko na masaya."
Nakangiting lumingon si Tere nang marinig ang masaya ring boses ni Don Amado. Nasa veranda siya noon at ine-enjoy ang malamig na simoy ng hangin. Maririnig mula sa loob ng mansiyon ang sikat na kantang Christmas In Our Hearts ni Jose Mari Chan. Sa paligid ay makikita ang naggagandahang Christmas Lights at parol. At mula sa kinatatayuan ni Tere ay nakikita niya sa sala ang malaking Christmas Tree na may nakatumpok na mga regalo sa palibot niyon. Malalanghap din ang nakakatakam na amoy ng hamon at bibingka na dala mismo ng kaniyang ama mula pa sa Hacienda Felicita.
"Yes, I'm so happy, Papa," sabi ni Tere sa ama nang lapitan siya nito. "Dahil po dalawang lalaking mahal ko ang kasama ko ngayong Pasko. K
