ILANG minuto na lang at sasapit na ang Noche Buena. Nasa kuwarto pa si Liam kaya sinundo na ito ni Tere. Naabutan niya itong kausap sa Messenger ang pamilya at nagbabatian ng Maligayang Pasko. Mas pinili kasi nitong makasama siya ngayong Pasko kaysa ang nakagawian nitong pagdiriwang kasama ang pamilya...
"Hello, Tere! Merry Christmas!" kaagad at masayang bati ni Gwen kay Tere nang makita siya. Kasalukuyan nitong pinagbubuntis ang panganay na anak kay Nicolo.
"Merry Christmas, hija! Kumusta ka naman diyan?" masaya ring bati sa kaniya ni Donya Mercedes, na sinundan naman ni Don Peter.
"Nariyan pala si Kumpadre. Pakisabi na bukas na ako pupunta riyan," anang ama ni Liam.
Umupo si Tere sa tabi ng asawa, na agad namang umakbay sa kaniya. "Sige po. Sabihin ko kay Papa. Merry Christmas din p
