ILANG araw na mawawala si Liam dahil pupunta ito ng Paris para sa worldwide launching ng Cassidy. Baka sa mismong Bagong Taon pa raw ito makakabalik. Kaya nagpasya ang mag-asawa na mamasyal muna sila sa Tagaytay bago ito umalis. Eksakto namang nakauwi na sa Hacienda Felicita si Don Amado.
Madaling araw pa lang ay bumiyahe na sila para makaiwas sa traffic. At para hindi na sila bumaba ng sasakyan, nagdala na lang sila ng pagkain na pang-almusal nila.
"Nagugutom ka na ba?" malambing na tanong sa kaniya ni Liam. Inabot ang kamay ni Tere at ipinatong sa hita nito, habang hawak ng sariling kamay.
Mahigit kalahating oras na rin silang nagbabiyahe pero madilim pa rin sa paligid. Bukod tanging mga street lights at ilaw ng mga sasakyang dumadaan lang ang nagsisilbing liwanag. Bagaman at malapi
