TATLONG araw nang wala si Liam. Miss na miss na ito ni Tere. Parang hindi na siya sanay na wala sa tabi niya ang asawa. Parang gusto tuloy niyang magsisi na hindi siya sumama.
Mabuti na lang at kahit magkalayo, maya't maya pa rin ang tawagan nila, chat, at usap sa Messenger video call. Lalo na si Liam na talagang gumagawa ng paraan para magkausap sila, kahit gaano ito ka-busy.
Binilisan ni Tere ang pagkain ng lunch. Dahil mga ganoong oras tumatawag ang asawa. Pagkatapos ay excited siyang bumalik sa kuwarto para doon na maghintay.
Ngunit isang oras nang naghintay si Tere pero walang Liam na nagparamdam. Pero inisip niya na baka busy lang dahil pauwi na ito bukas.
Tatlong oras pa ang hinintay ni Tere. Nakatulog na lang siya lahat-lahat pero walang Liam na tumawag. Kating-kati na siyan
