Hindi ako makatulog sa kwartong minsan ay naging akin. Nakatingin lang ako sa kisame habang paulit-ulit na naglalaro sa isip ko ang lahat. Naninibago lang ba ako?O sadyang hindi ako mapalagay dahil alam kong nasa iisang bubong lang kami ni Gareth?
Napabuntong-hininga ako habang pilit ipinipikit ang mga mata ko. Pero maya-maya lang, biglang nanuyo ang lalamunan ko dahilan para mapaubo ako nang sunod-sunod.
“Ugh…”
Napahawak ako sa leeg ko.
Nang hindi ko na matiis ang kati ng lalamunan, bumangon ako at tahimik na lumabas ng kwarto. Madilim at tahimik ang buong mansion habang naglalakad ako pababa patungo sa kusina.
Pagdating doon, agad akong kumuha ng malamig na tubig at mabilis na uminom. At matapos ang ilang lagok… Unti-unting gumaan ang pakiramdam ko.
Napapikit ako saglit habang humi
