"Crez, may naghahanap daw sa'yo."
Agad na kumunot ang noo ni Creza nang marinig si Jane. Nilingon niya ito.
"Ha? Sa baba?" tanong niya.
Tumango-tango ang katrabaho.
"Oo, sist. Sinabi ni manong guard," anito.
Bumuntong-hininga siya at saka tumayo.
"Walang sinabi kung sino?" tanong niya ulit at saka kinuha ang kanyang cellphone at wallet.
Nagkibit-balikat pa si Jane at tumango sa kanya.
"Sige, salamat," sabi niya na lang dito at saka naglakad na paalis.
Habang nasa elevator ay hindi niya mapigilang mag-isip tungk sa kung sino ang naghahanap sa kanya.
Tiningnan niya ang kanyang cellphone pero wala namang nag-text sa mga kamag-anak niyang pupunta rito. Inisip niya na lang na baka kaibigan niya.
Nagkibit-balikat siya at lumabas na ng elevator pagkabukas nito.
Dumiretso siya
