Irene
"Nay, basta kahit anong mangyari d'yan lang kayo sa may lobby area. May sofa riyan. Huwag kayong lumingon sa kung saan-saan, hintayin nyo ako diyan!"
Patuloy ang paglalagari ng aking paa sa loob ng elevator habang nakikipag-usap kay nanay. Sinabihan ko siya na maghintay lang sa lobby.
Nabalot ng matinding kaba ang aking puso habang iniisip ko ang mga posibleng mangyari. Hanggang sa maya-maya lang, sa wakas ay bumukas na rin ang elevator.
Agad akong lumabas at nagtungi sa lobby area, ngunit muli din akong nagtago sa likod ng pader nang makita ko si Third na ngayon ay kalalabas lang sa kabilang elevator.
Lihim akong sumilip at nakita ang mga naglapitan niyang bodyguard upang sunduin siya. Hanggang sa tuluyan na siyang lumabas sa loob ng gusali.
Nakahinga naman ako nang maluwag na
