Irene
Sa wakas ay nagkaroon din ako ng oras para sa aking pamilya, dahil sa araw na ito, naka-leave ako ng tatlong araw.
Kasalukuyan lang na nakakandong si Ethan sa aking bisig, habang nanonood kami ng telebisyon. Napuno ng tawanan ang paligid dahil sa amin mag-ina. Kahit sa ganitong simpleng paraan lang, masaya na kaming dalawa.
"Oh, kumain na muna kayo," wika ni nanay sabay sa paglapag niya ng hiniwang mansanas sa lamesa.
"Salamat, Nay," wika ko saka kumuha ng mansanas at binigay kay Ethan.
Kumuha ako ng sa akin at kumain. Masaya naming pinagsaluhan ang oras na iyon habang nanonood.
Maya-maya lang, sabay-sabay kaming napalingon sa pinto nang marinig ang tunog ng doorbell.
"Nay, ako na po," pagpresinta ko saka pinaupo muna si Ethan sa aking tabi.
Sinimulan kong humakbang patungo s
