Irene
Ang mga bagay na nangyayari ngayon ay lubusan kong hindi maunawaan. Patuloy ang pagpapadala ni Third ng bulaklak sa aking opisina at patuloy rin naman itong pinatatapon ni Albie.
Halos araw-araw, chocolate at flowers na may nakalakip na sorry card ang pinadadala ni Third. Nakapagtataka ang kanyang kinikilos, tila sinusuyo niya ako dahil sa mga ganitong bagay, ngunit bakit? Hindi ba may asawa na siya?
Tuluyang nagalit si Albie sa ginagawa ni Third. At hindi ko man nais na mangyari ang bagay na ito, tuluyang tinanggal ni Albie ang koneksyon sa mga Montenegro. Maging ang kanilang investment sa kompanya ay p-in-ull out niya.
Labis itong naka-apekto sa amin dahil kailangan naming magbawas ng trabahador at isang malaking kawalan ang kompanya ng mga Montenegro sa amin.
Halos makonsensy
