PAGDATING sa resort ni Zack ay namangha si Jhen sa ganya nito. Native lahat ng cottage maging mga rooms. Malawak pala talaga ang lupaing iyon. Mayroong beachside bar at restaurant. Naliligiran ng matatayog na niyog ang lugar at may malalagong halamang namumulaklak.
Iginiya siya ni Zack sa Olympic pool kung saan may mini bar ang restaurant sa gilid. Nasurpresa siya nang makita roon si Marco at may kasamang dalawang nagguguwapuhang lalaki.
“Oh, Zack! Bakit itinakas mo ang asawa ng daddy mo?” bungad sa kanila ni Marco, nang makalapit sila sa mga ito. Umupo sila sa bakanteng silya ng mahabang mesa na inukupa ng mga ito. May pinagsasaluhang inihaw na malaking manok at inihaw na seafood ang mga ito, habang may sinisimsim na red juice.
“Hindi ko siya itinakas, Tito. Nagkataon lang na narito s
