Inis na inis siyang lumabas ng coffee shop. Hindi na niya muling sinulyapan ang nanggagalaiti sa galit na si Irene. Tama lang ang ginawa niya sa matandang bastos na ‘yon. Asawa na niya si Liam, wala na itong karapatang pagnasaan pa ang asawa niya. Kung ano man ang namagitan sa mga ito noon, tapos na ‘yon. Isa pa, parte lang ng kabataan ni Liam ang namagitan sa dalawa. Walang damdamin. Init lang ng katawan.
“Bwisit!” bulong niya habang naglalakad sa kalsada. Nasira na ni Irene ang araw niya. Wala na tuloy siyang ganang pumasok pa. Nais niyang puntahan ang asawa sa opisina nito, at isumbong si Irene sa ginawang pambabastos nito sa kanya.
“Ahhh! Kainis talaga!” inis na sabi niya sabay sabunot sa sariling buhok. Hindi niya ma-imagine ang asawa at si Irene sa isang intimate scene. Naiinis s
