NABULAHAW sa pagtulog si Athena dahil sa malakas na katok sa pinto. Dagli siyang bumangon. Maging si David ay napatayo bigla. Kinabahan siya nang marinig ang tinig ni Glenn. Hindi na sana siya magbihihis ngunit napansin niya ang mantsa ng dugo sa laylayan ng robang suot niya.
Nagmadali siyang nagbihis. Natatarata siya. Uutusan pa lamang niya si David na magtago sa ilalim ng kama ngunit biglang nabuksan ang pinto. Nanlaki ang mga mata ni Glenn nang mabungaran silang dalawa ni David.
“Oh no! What’s happening here?” nawiwindang nitong tanong. Ang gulat nitong reaksiyon ay nahalinhan ng panunukso. Tumitig ito kay David na nakatayo sa gawing kaliwa niya.
Hindi niya magawang magsalita dahil sa tensiyon na nararamdaman niya.
“Who’s that guy, Athena? Akala ko ba sakit sa ulo para sa ‘yo ang mg
