MAY kalahating oras nang nakatambay si David sa tapat ng bahay ni Athena. Nang may paparating na sasakyan ay kumubli siya sa likod ng poste ng kuryente may tatlong dipa ang layo sa mismong gate ng bahay. Bumaba mula sa sasakyan ang lalaki. Nag-init na naman ang bunbunan niya nang makita ang lalaking nakaengkuwentro niya noong isang gabi. Tama ang research ni Kevin, maaring nagli-live-in na ito at si Athena. Kahit may kadiliman sa loob ng kotse ay naaaninag niya ang babae na nakaupo sa passenger seat. Binuksan ng lalaki ang gate. Pagkuwan ay bumalik ito sa sasakyan at nagmaneho. Nakapasok na ang mga ito.
Nang hindi na lumabas ang lalaki ay nagdesisyon siyang umalis sa lugar na iyon. Hindi siya pinatulog ng impormasyong natuklasan niya tungkol kay Athena. Kailangan niyang malaman kung ano a
