Alyas Pogi
AiTenshi
June 28, 2017
Part 20
Isang buwan ang lumipas, natapos na ang pag gawa ng huspisyo. Mula sa mga haligi nito, bubong, at mga silid. May bonus pang pintura na donate naman ng mga kagawad ng barangay. Mas pinag tibay ang pundasyon nito upang maging ligtas at maayos ang pamumuhay ng mga bata sa naturang gusali. Isang malaking achievement naman ito para kay papa na siyang tumayong leader sa pag tulong. At dahil dito ay ginawaran siya ng pag kilala ng barangay para sa kanyang kawang gawa.
Tungkol naman sa samahan namin ni Bogs, habang tumatagal ay mas tumitibay ito. Wala namang nagiging problema maliban lang talaga sa paminsan minsang pag kakasangkot nito sa gulo na hindi na talaga maiiwasan. Katulad na lamang noong nakaraang linggo na nakipag baligabagan siya n
