IAN'S POV
PANGITI-NGITI pa ako nito habang nakatayo sa bungad, sa may loob ng simbahan, bandang pintuan. Naghihintay ako ng signal mula sa assistant ng organizer nasa labas kasi kinakausap ang asawa ko.
Magkahalong kaba at tuwa ang nararamdaman ko ng mga sandaling ito.
Kasal naman na kami ni Lexxie pero nandito pa rin ang kaba sa aking dibdib. Iba pala kapag wedding day na. Ang yabang ko pa naman kagabi. Sabi ko, hindi ako iiyak dahil mag-asawa na nga kami ni Lexxie. Kako, hindi niya ako iiwan, pero heto. Nag-iinit na ang sulok ng mata ko habang nakatingin sa pulang carpet.
Lumapit sa akin mayamaya ang assistant organizer at sinabing magsisimula na nga. Nakita ko na rin ang magkakasal sa amin na palalapit sa gawi ko.
Tumango naman ako.
Unang lumakad ang Paring magkakasal sa amin kas
