LEXXIE
PABALIK-BALIK ako sa banyo dahil panay ang ihi ko at suka din. Hindi ko maintindihan kung bakit. Saglit lang naman kami kanina sa bahay na pinuntahan namin. Saka parang inaantok talaga ako.
Bumalik din kami kaagad ni Dayudong sa istasyon dahil nahilo ako sa pinuntahan naming bahay. Naghalo-halo ang amoy ng panlinis na siyang ikinamatay ng bagong biktima na kasong hinahawakan namin ngayon. Suffocation ang isa sa rason ng ikinamatay at maliban sa sugat niya sa ulo na resulta ng pagkatumba niya. Nakitaan din kasi namin ng foul play kaya kailangan pang imbestigahan ang buong area.
Pero babalik doon si Dayudong dahil may pinapagawa ako sa kanya. ‘Yong mga hindi namin natuloy dahil nagreklamo kaagad ang sarili ko. Nabanggit ko kasi sa kanya na sumama ang pakiramdam ko sa amoy kaya hina
