Doon ay hindi na rin napigil ni Kendra na hawakan ang mukha ni Darius habang nakaluhod pa rin ito sa kaniyang harapan. Napakalaki ang pinagbago nito. "Anong ginagawa mo?" muling nanulas sa kanyang labi.
Hindi nakaimik si Darius. Hindi malaman kung sasagutin ang sinabi ni Kendra. Ano nga bang ginagawa niya? Nagyuko siya ng mukha ngunit maagap nitong itinaas iyon. Sinalubong ang bawat titig nito. Doon ay hindi niya napigilang maluha. Napangiti si Kendra sabay pahid sa luhang sumungaw sa mga mata ni Darius.
"Kailangan mong bumalik bago tuluyang mawala ang PIFC," aniya rito. Saka marahang hinila pataas upang makatayo ito.
Natahimik si Darius. Bumalik lang ba ito dahil ayaw nitong mawala ang kompaniya niya. Batid kasing isa ito sa mga libo-libong nais mapabilang sa kaniyang kompaniya.
"Bum
