Natahimik ang buong sala sa tanong ni Zachi. Napasinghap siya at isa-isang tiningnan ang mga kasama niya roon lalo na si Ivo at ang daddy niya. It was her dad who gave out a sigh. “Yes, hija, we found out about that just this week,” sambit nito sa kanya.
Hindi makapaniwalang nasapo na lang ni Zachi ang kanyang noo. She has received too much revelation already! Namasahe niya na lang ang noo.
“Ivo, how is your investigation about that jerk? You are handling it, right?” sambit pa ng daddy niya. Doon saglit na natigilan si Zachi at agad na napatingin kay Ivo na nasa kanyang tabi. Kumunot ang noo niya sa lalaki. Naramdaman ni Ivo ang tingin niya kaya lumingon din ito sa kanya.
Nagtagpo ang mga mata nila at mabilis niya itong tinaasan ng kilay, naghihintay rin siya sa magiging sagot nito.
