Habang magkahinang ang kanilang mga labi ay hinili siya ng babae pabalik sa kanyang silid. Hindi naman siya lasing kaya nagtaka siya kung bakit wala siyang sapat na lakas upang ayawan ang babae.
“I missed you,” deklara ni Lilian nang makapasok na sila sa silid ng lalaki. “Akin ka lang, Alexander. Please akin ka lang,” nagsumamo siya sa lalaki habang isa-isang tinanggal ang kanyang suot na damit.
“Bakit ka uminom ng alak?”
“Dahil gusto kong magkaroon ng lakas ng loob upang sugurin ka dito! Hindi mo lang alam kung ilang oras akong naghintay na lalabas ka. Mahal pa rin kita, mahal na mahal at hindi ko alam kung ano ang gagawin ko kung tuluyan ka ng mawala sa akin. Mamatay siguro ako, Alexander,” patuloy na nagpaliwanag si Lilian.
