Malapit ng maghatinggabi ngunit hindi niya pa rin nahanap ang mga dokumentong gustong makita. Kanina pa umalis ang kanyang sekretarya kasi may date raw ito. Kaagad niyang tinawagan si Simon dahil kailangan niya ng tulong nito. Hindi naman kasi p’wede na maubos na lang ang kanyang oras sa paghahanap ng clue tungkol sa mga nangyari noon.
Kinausap na rin niya ang abogado na itikim nito ang kanyang bibig at huwag babanggitin sa kahit kanino man ang tungkol sa kanilang napag-usapan o malilintikan niya ito. Kanina nang mag-usap sila ay nagulat talaga siya sa kanyang nalaman dahil na-claim na pala ang death benefit ni Claire na ilang milyon.
Inakala niya na ang ama ng babae ang may pakana ng lahat ngunit ang kanyang pangalan ang nasa form. Pero sa totoo lang ay wala siya
