Hindi niya dapat ginawa ‘yon ngunit ilang araw niyang pinatay ang kanyang cellphone. Magulo ang kanyang utak at ayaw muna niyang maistorbo. Alam niyang magagalit si Lilian sa kanya pero hindi niya naintindihan ang kanyang sarili kung bakit mas matimbang ang yumao niyang asawa nitong mga huling araw.
Binalikan niya ang mga masasaya nilang alaala ni Claire noon at hindi niya napigilan ang sarili na maging emosyonal habang tiningnan ang kanilang mga lumang larawan. Kahit maikli lang ang panahon na magkasama sila ay masaya naman siya noon.
Sa loob ng maraming taon ay dala niya pa rin ang guilt sa kanyang puso dahil hindi niya nasabi sa babae noon ang tungkol sa kanila ni Janine. Kung hindi lang sana siya nagpatukso sa kagandahan ng kaibigan nito, hindi siya makunsens
