Hindi nagustuhan ni Alexander ang pag-ungkat ni Philip sa kanyang nakaraan. Pakiramdam niya ay muli nitong binuksan ang sugat na matagal ng naghilom. “Ano ba ang gustong mangyari?” Nagtagis ang kanyang mga bagang habang tinanong si Philip Madrigal.
“Maghanap ka na lang ng bagong target Alexander kasi hindi ako makakapayag na si Lilian ang sunod mong bibiktimahin,” binalaan ni Philip ang lalaki.
Natawa si Alexander sa mga pinagsasabi ni Philip Madrigal. “At ano’ng akala mo sa akin?” Tinanong niya ang matanda.
“Mali ba talaga ang hinala ko tungkol sayo?” Hinamon ni Philip si Alexander na patunayan nitong nagkamali nga siya. “Hindi sinungaling ang report, Alexander!” Giit ni Philip.
“Hindi ko pinatay si Claire!” Sumigaw si Alexander.
