Huminga muna siya ng malalim bago binuksang muli ang kanyang phone upang tawagan si Alexander ngunit naunahan siya ng lalaki. “Sino ‘yong sumagot kanina?” Tinanong niya kaagad ang lalaki at hindi na siya nagpaligoy-ligoy pa.
“Ah si Janella ‘yon,” sagot ni Alexander.
Bahagyang kumunot ang noo ni Lilian habang inalala kung sino si Janella at nang maalala niya ang babae ay kumalma siya ng konti. “Nasa opisina ka ngayon?”
“Yeah, may inasikaso lang. Pero bukas ay pwede na akong umuwi diyan,” pangako ni Alexander.
“Okay po. Sige, hindi na kita iistobohin pa upang matapos na kung ano man ang ginagawa mo diyan. I love you,” sabi niya at nang marinig ang sagot ni Alexander sa kabilang linya ay kaagad na niyang pinutol ang tawag at saka tiningnan
