Nang makaalis si Daniella ay saka lang binuksan ni Lilian ang pouch. Bahagyang nanginig ang kanyang mga kamay at nakaramdam siya ng takot ngunit kailangan niyang gawin.
“Sandali lang,” pinigilan ni Alexander ang babae na buksan ang pouch dahil natitiyak niyang si Clara ang sender ng mga dokumento. Naitawag na niya kay Philip ang tungkol s ginawa ni Clara ngunit abala pa ito sa pag takeover sa kumpanya ni Troy Ramirez, ang mastermind sa pagpaslang nina Veronica at Arianna.
Nang marinig niya ang boses ng lalaki as mas lalo lang siyang nagkaroon ng lakas ng loob na tingnan ang laman. “Oh my God!” Natutop ni Lilian ang kanyang bibig habang nabitiwan ang mga larawan ni Alexander. “May-asawa ka na pala,” mahina ang kanyang boses na sinumbatan si Alexander.
