Sa loob ng isang linggo ay naging mabuting katuwang sa buhay si Alexander o mas tamang sabihin na magaling itong magtrabaho. Isang umaga, tinanghali ng gising si Lilian at muli niyang ipinikit ang kanyang mga mata dahil nasilaw siya sa sinag ng araw. Nakalimutan pala niyang ibalik sa dati ang mga kurtina at hinayaan lang itong nakahawi.
Nang mapatingin siya sa sofa bed, kumunot ang kanyang noo dahil tulog pa rin ang lalaki. Bumangon siya at nilapitan ang lalaki upang gisingin ito. “Gising na, Alexander! Wala ka bang balak na magluto ng agahan?” Pinagalitan niya ang lalaki kahit nakapikit pa rin ang mga mata nito. Nainis si Lilian nang hindi pa rin gumalaw ang lalaki kaya sinipa niya ang paa nito.
Masakit ang kanyang ulo at buong katawan ngunit pinilit pa rin si
