Habang naglilinis siya ng buong bahay ay abala naman ang kanyang utak sa pag-iisip ng paraan upang magbago ang desisyon ni Alexander Ortega na patalsikin siya. Hindi niya naman talaga kailangan ng trabaho upang mabuhay kaya hindi niya maintindihan ang kanyang sarili kung bakit gusto niyang ipaglaban ang pagiging katulong niya.
Tanging ang silid na lang ng lalaki ang hindi niya nalinis kaya medyo kinabahan siya habang kumatok sa may pintuan nito. Ilang ulit siyang kumatok pero hindi pa rin siya pinagbuksan ng lalaki. Kaya napatiimbagang si Lilian na sinipa ang pinto at hindi siya tumigil hanggang sa marinig niya ang pagpihit ng siradura mula sa loob.
Nakasimangot ang mukha ng lalaki nang pagbuksan si Lilian ng pinto. "Kung may kailangan ka ay sabihin mo na kasi ma
