Fifteen minutes na lang ay magsisimula na ang calltime. Saktong nakabalik na sina Bea at Daniel. Bago nagbihis si Bea sa dressing room ay ipinakilala muna niya si Daniel sa photography team na saktong nakarating na at kulang ng isang photographer. Matapos ang pagpapakilala ay iniwan na niya si Daniel sa kanila. Dali-dali nang pumunta sa dressing room si Bea para magbihis. Wala nang tao dahil lahat ay nakapagbihis na at nagkani-kaniya nang make-up. Hindi na din humabol si Carla sa salon at nakisama na lang sa mga staff ng department nila. Lahat sila ay nakapuwesto na sa mga assigned posts.
Pagpasok ni Bea sa dressing room ay isinara niya ang pintuan bago nagpalit ng damit. Isang simpleng black na evening dress ang suot niya. Satin finish na hapit sa katawan at semi-backless ang likod. Pina
