Dinibdib ni Jessica ang masakit na mensaheng natanggap niya mula kay Sam kaya naisipan niyang tawagan sina Jennifer at Francis upang mag-swimming sa kanila. Dahil masyadong palabiro si Jennifer, pansamantalang nakalimutan ni Jessica ang tungkol sa mensahe ni Sam.
“Hoy, may problema ka ba?” Kanina pa napansin ni Jennifer na kadalasan ay sa malayo nakatingin si Jessica.
“Bakit mo naman naitanong? I’m okay,” nagsinungaling siya.
“Ano’ng okay? Eh sa malayo ka laging nakatinging at saka panay ang pagbuntong-hininga mo,” hindi naniwala si Jennifer sa sinabi ni Jessica at humingi siya ng saklolo kay Francis dahil batid niyang may pinagdaanan ang isa nilang kaibigan.
“Pansin ko din. Sige na sis, sabihin mo na sa amin kung bakit bigla na mo na lang kaming pinapunta rito.” Sabi ni Francis.
“Wa
