NAGPAALAM na rin muna ako kila Tito Damien at Tita Liezel na uuwi na muna ako at babalik na lamang bukas ng umaga. Pumayag din naman sila kaagad. Wala na silang nabanggit pa na kahit ano. Hinihintay ko kasing sabihin nila na may pupuntahan din sila ngayong araw na ito, pero wala naman.
Siguro ay hindi sila dadalo ngayon sa birthday ni Mommy. Inaalagaan din kasi ni Tita Liezel ngayon si Ate Damzel dahil nakapanganak na siya apat na araw na ang nakalilipas. Baby boy ang panganay nila.
Nagpaalam din muna ako kay Twinnie bago lumabas ng mansion.
Sakay ng motorsiklo ay bumiyahe ako patungong Marikina. Alas nuebe na ngayon ng umaga. Natagalan ako sa pag-aasikaso kay Dauvit. 'Yong pag-stay pa lamang namin sa banyo kanina ay inabot na kaagad ng halos one-hour dahil na rin sa kakulitan niya at
