BIGLANG TUMAYO si Dauvit kaya napalapit ako sa kanya at hinawakan siya sa braso. Napahinto din naman siya at hinawakan ang kamay ko. Gumapang ang kamay niya paakyat sa braso ko, hanggang sa makarating sa balikat ko at mahawakan na niya ang pisngi ko.
Lumingon ako kila Tita Liezel at Tito Damien. "P-Paanong..." Lumipat din ang paningin ko kay Twinnie, na ngayo'y hindi na malaman kung paano ngingiti habang nakatitig sa akin. Kaagad din siyang umiling na tila sinasabi niyang hindi siya ang nagsiwalat ng sikreto ko sa kanila. May takot at pag-aalala din akong nababasa sa mga mata niya.
"I told them."
Bigla akong napalingon kay Dad dahil sa sinabi niya. Nakatitig lamang siya sa plato niyang walang laman.
Hindi ko malaman kung ano'ng nararamdaman ko ngayon. Naghalo-halo na ito sa dibdib ko
