"M-MAGKAKILALA po kayo ni Lola?" tanong ni Joy habang nakatitig kay Tito Damien.
Ngumiti naman si Tito Damien sa kanya bago muling bumaling kay Lola. "We were good friends back in the day."
Nagulat naman ako at hindi makapaniwala sa sinabi niya. Mas lumapit pa siya sa tabi ni Lola. Umalis naman ako para magkaroon siya ng espasyo. Naupo si Tito Damien sa gilid ng kama ni Lola at hinawakan ang kamay nito.
Si Lola naman ay patuloy sa pag-iyak habang nakatitig sa kanya.
"Kumusta ka na? ... Hindi ko akalain na ... pagtatagpuin pa tayo at sa ganitong pagkakataon pa," mahinahong pagkausap niya kay Lola.
Napalingon ako kay Tita Liezel na nasa tabi ng mga anak niya.
Ngumiti naman siya sa akin at lumapit. Hinawakan niya ako sa magkabila kong braso mula sa likod ko, na tila inaalo ako.
"Ok
