"GUSTO ko munang maligo. Hindi pa ako naligo kanina sa hospital," aniya sa akin.
"Oh, sige. Ako na ang magpapaligo sa 'yo. Kukunin ko lang 'yong eye cover mo." Humawak ako sa mga balikat niya at bumaba na sa sahig.
Dinampot ko ang mga damit ko sa sahig at isa-isang isinuot. Siya naman ay nakasandal lamang sa vanity cabinet at tahimik, na tila nakikiramdam lang. Hindi ko alam kung anong tumatakbo sa isip niya ngayon.
"Sandali lang, ha," paalam kong muli sa kanya.
"Alright."
Bago ako lumabas ng banyo ay inuumpisahan na rin niyang hubarin ang pajama niya. Tinungo ko ang mini table at sofa na naririto sa kanang bahagi ng silid niya. Naririto ang mga gamot niya at ilang mga gamit niya sa hospital. Binuksan ko ang isang paper bag at dito ko nakita ang waterproof eye covers niya. Kumuha ak
